Mùn keesi duun nɛi, yɛ́ i bɛn! Fyai yɛ tiun taara duun nɛi ra, bari, kakereve zhee rehe taaa yɛ, tɛɛ goo, nehe yɛ duundín nɛi sa saoragoo ké boi nun un. Ɛ̀ɛ̀ jihi dama bora, mùn keesi rɛi sɔhɔìn yɛ i sannahawɔɔ, ì yɛ jaha zheree wɔ duun tɔn nɔ duun. Kabiri wahati gbaun doun, tɛɛ naun cehera. Kakerejaha doun, tɔn nɔ xuná rɔ sɔhɔi yɛ ni Bamaxɔ, Abu Daamaun Sankare rè yɛ tɔ jahanmuhɔ rɔ kè, ɛ̀ɛ̀ danra Kotorʼla. Tɔn nun siunfoon nɔ sɔhɔn yɛ ni Sikaso, Bakari Watara rè yɛ tɔ jahanmuhɔ rɔ. Tɛɛ fyaraka. Jahanmuhɔ rehe yɛ fɔgoo rɔ kungɔ rɔ wɔɔ Abu Daamaun Sankare si un siija blahan nɔ kpa 2014, tɛɛ Daadu Kulubali, tɛɛ danra Fyara.
Ni á muhɔ rehe yɛ va dan kunnafoni kpɛrɛ kpaun, a vobo jahanmuhɔ rɛi ko sɛmɛfɔmuhɔ rɛi ra Bamaxɔ walima Sikaso, í re yɛ i un gɔɔ, í yɛ i cɔhɔ rɛi sɛmɛn tɔn nɔ un. Yɛ́ i kɔfai, Mangara yɛ gaacɛhɛ tin mùn ra.
