Sawa rɔ yɛ duun nɛi un beun nɔ sɔhɔn. Beunje reheì yɛ fɔra à beun nɔ kpa, tɛɛ, ŋmɛhɛn nɔ/myahan nɔ, tava rɔ, baan fihi, sɔhɔi rɛɛ kiira i baan ná rɔ, nun nɔ ro yɛ va kiira i baandin walima dínma rɔ. Nun beun nun yɛ duun nɛi raha dounzivera je sɔhɔn, bari, sawasan je o je yɛ benra tɔ ko makiii rɛi, kɔrɔ ni ì sa ra, ì re va sɔhɔn goofɔzhera jama rɔ un. Tɔ sifa rè kakan ɛ̀ɛ̀ na ɲɔnji rɔ dihikuun jɔn, tɔun muhɔ kpɛrɛ ro yɛ taa, tɛɛ à keesen. Tɔ ko sa ma, sawasan sɔhɔi yɛ foo taara muhɔ ŋaan walima cehen ŋaan yɛ makii, nehe yɛ ì raha borove ko fyeunshe rɔ kpazhera.
Mùn keesi rɛi, yɛ́ i zhɛkɛto, mùn naran gooman sawa rɔ shɛ sehe danra rɛi un.
Sawa rɔ
