Kari danra rɔ sehe se, sisan koho rɔ boi muhɔ ko nun, jihi 2015 (25 Sisan koho 25/2015), tɛɛ ASPCS muhɔ rɛi raha siija blahan nɔ sehe rɔ. Duun tɔn nehe yɛ ni Sikaso, tɔ raha cɔhɔ rɔ rè yɛ ASPCS rɔ. Siija blahan nun yɛ fɔra Masa Soodɔhɔ un fɔɔn rɔ i, Sikaso, Wayɛrɛma. Goo reheì siɲaun yɛ siija rɔ san voi, tɛi rèì sin nun:
1-Kin neheì yɛ xɔve taaa yɛ Sikaso, tɔn nɔ siunfoon rɔ toho goo rɔ iun shɔkɔ rɔ un, lerasiì naran kpazhe tɛi ra.
2-Tɔn nɔ siunfoon reheì tohoo yɛ ni roho kin nɛi doun, tɛi goojahabomuhɔ rɛi naran kpazhe siija rɔ kpa.
3-Goojahabomuhɔì zhee naran toho, sanko muhɔ bɔrɔɔ rɛi yɛ i si un wɔ fyɛhɛni fɔgoo kpahaun.
4-Kakerʼlama reheì yɛ ni muhɔnɔ re.
À gaa yɛ muhɔnɔ sa re, i sa yɛ na!
